Numërohet mbi 1/5 e votave në rang kombëtar – PS ruan epërsinë, PD-ASHM ngushton diferencën

Tiranë, 12 maj 2025 – Deri në orën 06:20 të mëngjesit janë numëruar 1,139 qendra votimi nga 5,225 në total, duke përfaqësuar më shumë se 20% të qendrave në rang kombëtar.

Të dhënat më të fundit të publikuara nga Komisioni Qendror i Zgjedhjeve tregojnë një garë gjithnjë e më të konsoliduar mes dy forcave kryesore, me Partinë Socialiste që mban kryesimin dhe koalicionin PD – Aleanca për Shqipërinë Madhështore që vijon rritjen e qëndrueshme.

Rezultatet paraprake në nivel kombëtar (1,139 QV):

Partia Socialiste e Shqipërisë (PS) – 149,681 vota (53.19%)

Koalicioni PD – Aleanca për Shqipërinë Madhështore (PD-ASHM) – 95,767 vota (34.03%)

Partia Socialdemokrate (PSD) – 10,710 vota (3.81%)

Nisma Shqipëria Bëhet (NISMA-SHB) – 9,757 vota (3.47%)

Partia Mundësia (MUNDËSIA) – 7,234 vota (2.57%)

Lëvizja Bashkë (BASHKË) – 3,399 vota (1.21%)

Partia Koalicioni Euroatlantik (KEA) – 2,790 vota (0.99%)

Koalicioni Djathtas për Zhvillim (DZH) – 977 vota (0.35%)

Partia Aleanca Kombëtare Shqiptare (AKSH) – 517 vota (0.18%)

Lëvizja Atdheu (LA) – 350 vota (0.12%)

Partia Aleanca Demokracia e Re (ADR) – 204 vota (0.07%)

Nga të dhënat zyrtare që analizon noa.al del se Partia Socialiste ruan një avantazh prej rreth 19 pikësh ndaj opozitës së bashkuar, megjithëse PD-ASHM po rritet në mënyrë graduale në shumë zona të vendit.

Votat për partitë e treta (PSD, Nisma, Mundësia) po konsolidohen si faktorë dytësorë, ndërsa partitë e vogla vijojnë të qëndrojnë nën pragun e përfaqësimit parlamentar.

/noa.al