Në bashkinë më të vogël të vendit, Pustec, ka nisur numërimi i votave dhe janë përfunduar tre nga gjithsej tetë kuti votimi.

Deri më tani, Partia Socialiste ka siguruar një epërsi të dukshme ndaj koalicionit PD – Aleanca për Shqipërinë Madhështore.

Sipas rezultateve paraprake:

Partia Socialiste: 419 vota

PD – Aleanca për Shqipërinë Madhështore: 208 vota

Me pesë kuti ende për t’u numëruar, trendi i deritanishëm tregon qartë një prirje në favor të PS-së, që pritet të dalë fituese në këtë bashki me shumicë minoritare.

Ndërkohë, në zonat e tjera zgjedhore po përfundon procesi i dorëzimit të kutive në KZAZ-të përkatëse dhe numërimi pritet të nisë para mesnatës.

Pusteci, si bashkia me numrin më të vogël të zgjedhësve, mund të jetë edhe e para që do të shpallë rezultatin final brenda orëve në vijim. /noa.al