Zgjedhjet 2025 – Rritet pjesëmarrja në votime deri në orën 18:00, 40.91% në rang vendi

Komisioni Qendror i Zgjedhjeve ka publikuar shifrat më të fundit për pjesëmarrjen në zgjedhjet vendore të 11 majit, deri në orën 18:00.

Sipas të dhënave zyrtare, në 2423 qendra votimi që kanë raportuar deri më tani, pjesëmarrja në rang vendi është regjistruar në nivelin 40.91%.

Krahasuar me zgjedhjet lokale të vitit 2023, kjo përfaqëson një rritje me rreth 4.6%.

Megjithatë, në raport me zgjedhjet parlamentare të vitit 2021, pjesëmarrja është më e ulët – atëherë, deri në të njëjtën orë, kishin votuar 45.48% e qytetarëve.

Pritet që përqindja e pjesëmarrjes të rritet më tej deri në mbylljen e qendrave të votimit në orën 19:00. /noa.al