Librazhd – Arrestohet në flagrancë për shkelje të fshehtësisë së votimit

Strukturat e Posaçme për Hetimin e Krimeve Zgjedhore në Librazhd, nën drejtimin e Prokurorisë së Elbasanit, arrestuan në flagrancë shtetasin M. F., 43 vjeç, për veprën penale “Shkelja e fshehtësisë së votimit”.

Ngjarja ndodhi në qendrën e votimit nr. 2742, në fshatin Spathar, ku dyshohet se M. F. fotografoi fletën e votimit gjatë procesit.

Në cilësinë e provës materiale u sekuestrua aparati celular që u përdor për fotografimin.

Materialet i kaluan Prokurorisë për veprime të mëtejshme procedurale. /noa.al