Chris LaCivita: Shqipëria është në udhëkryq, nuk mund të lejojë një mandat tjetër të Edi Ramës

Në një fjalim gjatë përmbylljes së fushatës së Partisë Demokratike, këshilltari amerikan Chris LaCivita shprehu habinë e tij për numrin e madh të mbështetësve të pranishëm, duke falënderuar Shqipërinë për mbështetjen dhe për ndarjen e shpresave dhe të ardhmes së vendit.

LaCivita tha se Shqipëria është në një moment kyç të historisë së saj, duke e cilësuar vendin në një "udhëkryq".

Sipas tij, Shqipëria nuk mund të lejojë një mandat të dytë për kryeministrin Edi Rama, duke shtuar se kjo është e rëndësishme jo vetëm për ëndrrat dhe të ardhmen e qytetarëve shqiptarë, por edhe për pozicionin e vendit në arenën ndërkombëtare.

Këshilltari i PD-së i bëri thirrje qytetarëve që të mendojnë për të ardhmen dhe të bëjnë zgjedhjen e duhur për vendin, duke besuar se Shqipëria ka nevojë për një ndryshim të thellë që mund të sigurohet vetëm nëpërmjet një fitorje të PD-së në zgjedhjet e ardhshme. Kurse theksoi se shqiptarët duhet të mos kenë frikë, të shkojnë dhe të votojnë pa frikë për PD. /noa.al