Faza e parë e aktivitetit ndërkombëtar “Giro d’Italia 2025”, e cila nisi në Durrës dhe përfundoi në Tiranë, është mbyllur me sukses falë masave të përbashkëta të ndërmarra nga Policia e Shtetit, Policia Bashkiake dhe organizatorët.

Aktiviteti ka përfshirë koordinim të shkëlqyer mes strukturave dhe ka kaluar pa probleme, duke ofruar një spektakël të vërtetë për të pranishmit.

Drejtori i Përgjithshëm i Policisë së Shtetit, Ilir Proda, ka falënderuar të gjithë punonjësit e Policisë, duke nënvizuar përkushtimin dhe profesionalizmin e treguar nga ata, veçanërisht kursantët dhe studentët e Akademisë së Sigurisë.

Proda theksoi se edhe pse kjo ishte hera e parë që ata përballeshin me detyra të tilla, ata i përmbushën ato me sukses dhe janë të gatshëm për fazat e tjera të aktivitetit.

Ai beson në vazhdimësinë e suksesit dhe në përkushtimin e tyre për përmbylljen e aktivitetit me po të njëjtin nivel profesionalizmi. /noa.al