Në një takim elektoral me qytetarët e Shkodrës, lideri i opozitës Sali Berisha komentoi zgjedhjen e Papës së ri, të cilin e përshkroi si një "Donald Trump i ri në Vatikan".

Sipas tij, zgjedhja e Papës Leo, një shtetas amerikan, përfaqëson një zhvillim të rëndësishëm në udhëheqjen e Kishës Katolike.

“Papë i ri u zgjodh një Donald Trump i ri në Vatikan. Papa Leo, një amerikan! Le ta urojmë për këtë përgjegjësi të madhe,” deklaroi Berisha.

Ai shtoi gjithashtu: “Le t’i urojmë jetë të gjatë dhe sukseset më të mëdha në udhëheqjen e Vatikanit dhe të besimtarëve katolikë në mbarë botën.”

Në fjalën e tij, Berisha u ndal edhe te qeverisja e kundërshtarit politik, duke e cilësuar si një drejtues 12-vjeçar që, sipas tij, "meriton ndëshkimin më të madh".

Ai i ftoi shkodranët të reflektojnë për situatën politike dhe të kontribuojnë për ndryshim në zgjedhjet e ardhshme. /noa.al