Të dhënat po ngarkohen...
Transmetuar më 04-05-2025, 22:53
Tirana ia del të sigurojë qëndrimin në elitën e futbollit shqiptar.
Bardheblutë jo pa vështirësi iu imponuan në fazën e playoutit Pogradecin me rezultatin e ngushtë 1-0. Bardheblutë ishin dukshëm favoritë për suksesin ndaj skuadrës së Kategorisë së Parë, por liqenorët në fraksionin e parë të lojës vunë disa herë në vështirësi portën e Selmanit.
Ndërsa kryeqytetasit krijuan më shumë e në fund panë edhe t’i anulohej një gol.
Në fraksionin e dytë të lojës, në fushë ishte praktikisht vetëm Tirana, e cila krijoi volum loje përballë Pogradecit të tërhequr në mbrojtje, në pritje të ndonjë kundërsulmi.
Trysnia e bardhebluve dha frytet e saj vetëm në minutën e fundit, kur një gjuajtje e Zharmuni u devijua në portën e vet nga Hysenallari, duke i dorëzuar Tiranës fitoren minimale që i mundësoi qëndrimin në elitë edhe në edicionin e ardhshëm.
Pas golit në avantazhit të Tiranës në fushë pati incidente, kaos dhe dhunë të cilën e provokoi futja në fushë e një tifozi të Pogradecit.
Gjithsesi forcat e sigurisë arritën të rivendosnin deri diku normalitetin.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd