Pas barazimit spektakolar 3-3 ndaj Barcelonës, që e mban ende plotësisht të hapur garën për një vend në finalen e Ligës së Kampionëve, ka ardhur edhe mesazhi i zëvendëspresidentit të Interit, Javier Zanetti.

Përmes profilit të tij në Instagram, “Pupi” ka adresuar një mesazh për skuadrën e Simone Inzaghit dhe gjithë tifozët zikaltër. “Përpjekje e madhe, djema. Tani të gjithë në ‘San Siro’ për ndeshjen e kthimit”, – shkruan legjenda argjentinase.

Takimi i kthimit është caktuar për të martën, më 6 maj, në orën 21:00. Në “San Siro” do të jetë një përballje pa asnjë kompromis: kush dëshiron të kalojë më tej, duhet të fitojë. Me rregullin e golit jashtë fushe të hequr, çdo barazim do ta çojë ndeshjen në kohë shtesë dhe, nëse duhet, edhe te penalltitë.