Ekstradohet nga Shqipëria drejt Turqisë shtetasi turk i dënuar për përdhunim

Interpol Tirana ka finalizuar ekstradimin e shtetasit turk Burak Kara, 39 vjeç, i dënuar me vendim të formës së prerë nga autoritetet gjyqësore të Turqisë për kryerjen e marrëdhënieve seksuale me dhunë.

Ekstradimi u krye pas bashkëpunimit të ngushtë ndërmjet Interpol Tiranës, Interpol Ankarasë dhe Interpol Athinës, duke përmbyllur procedurat e transferimit të tij drejt vendit të origjinës.

Sipas vendimit të Gjykatës së Mersin, Kara është dënuar në vitin 2022 me 8 vjet e 4 muaj burgim, për një ngjarje të ndodhur në vitin 2011 kur vajti te shoqja dhe i përdhunon shoqen.

Ai akuzohet se, në gjendje të dehur, ka kryer marrëdhënie seksuale me dhunë me një shtetase turke, në banesën e një gruaje tjetër në qytetin e Mersinit.

Çfarë ndodhi 14 vjet më parë kur Kara ishte 25 vjeç

Ngjarja për të cilën u dënua Burak Kara ka ndodhur në vitin 2011, në qytetin e Mersinit, Turqi. Sipas dosjes gjyqësore, ai kishte konsumuar sasi të konsiderueshme alkooli dhe, në gjendje të dehur, kishte shkuar në banesën e një të njohure të tij.

Në këtë banesë ndodhej edhe viktima, një shtetase turke, e cila u sulmua seksualisht nga Kara.

Akti u krye me forcë, duke shkaktuar trauma serioze te viktima dhe pasoja të rënda psikologjike.

Rasti u denoncua në polici dhe pas hetimeve u ngrit aktakuza për marrëdhënie seksuale me dhunë.

Pas disa vite ndjekjeje ligjore dhe pas një vendimi të formës së prerë të dhënë nga Gjykata e Mersinit në vitin 2022, Kara u dënua me 8 vjet e 4 muaj burgim, nga të cilat i mbeten për t’u vuajtur rreth 4 vjet e gjysmë.

Nga dënimi i dhënë, Kara i ka mbetur për të vuajtur edhe rreth 4 vjet e gjysmë burgim. Ai u ekstradua nga Shqipëria drejt Turqisë për të vijuar ekzekutimin e dënimit penal. /noa.al