Orikum – Arrestohet 36-vjeçari i dyshuar për tentativë vrasjeje në lokal, në bashkëpunim me Qerim Bellon

Policia e Vlorës ka ekzekutuar urdhrin e Prokurorit ndaj shtetasit Emiljano Bello 36 vjeç, banues në Orikum, i cili ishte shpallur në kërkim për përfshirje në një ngjarje të rëndë kriminale të ndodhur më 26 janar 2025.

Në atë ngjarje, 29-vjeçari Sildi V., është qëlluar mbi 10 herë, por e kanë kapur vetëm 2 plumba.

Gjykata e Shkallës së Parë Vlorë i kishte caktuar masën e sigurisë “Arrest në burg”, për veprat penale “Vrasje në rrethana cilësuese, e mbetur në tentativë, kryer në bashkëpunim” dhe “Mbajtja pa leje dhe prodhimi i armëve, armëve shpërthyese dhe i municionit.”

Sipas hetimeve, Emiljano në bashkëpunim me kushëririn e tij Qerim Bello, akuzohen se kanë qëlluar me armë zjarri në drejtim të disa personave që ndodheshin në një lokal në Orikum. Si pasojë e të shtënave, mbeti i plagosur 29-vjeçari Sildi V.

Materialet hetimore janë referuar në Prokurori për vijimin e procedurave ligjore. /noa.al