Mbrëmjen e sotme do të luhet finalja e 73-të e Kupës së Shqipërisë, Egnatia-Dinamo City. Një ndeshje shumë interesante, që e rikthen Dinamo City në finalen e këtij kompeticioni, ndërsa Egnatia vjen si fituese në fuqi e Kupës së Shqipërisë.

Dy skuadrat janë përballur 27 herë në historinë e tyre dhe sonte do të luajnë ndeshjen e 28-të direkte. Rrogozhinasit numërojnë 14 fitore, ndërsa dinamovitët kanë triumfuar në 4 ndeshje. 9 sfida të tjera janë mbyllur në barazim. Sa i përket golavarazhit, Egnatia ka shënuar 33 gola, ndërsa Dinamo City 16.

Dinamo City ka fituar 13 trofe të Kupës së Shqipërisë, ndërsa Egnatia ka marrë pjesë në dy finale dhe i ka fituar të dyja. Kjo do të jetë "e treta e vërteta" për skuadrën e Edlir Tetovës, e cila fitoi gjithçka sezonin e kaluar, të ashtuquajturën tripletë kombëtare, gjë që e aspiron edhe kësaj here.

Dy skuadrat kanë arritur me meritë në finalen e këtij edicioni dhe të enjten do të përballen për të fituar trofeun e 73-të në histori. Egnatia e mbylli kampionatin në vendin e parë dhe përveç pjesëmarrjes në “Final Four”, tashmë ka si fokus kryesor finalen e Kupës së Shqipërisë. Kjo është hera e tretë që rrogozhinasit arrijnë në finalen e Kupës, pasi kanë triumfuar në dy edicionet e fundit.

Dinamo City rikthehet në finalen e Kupës së Shqipërisë pas 15 vitesh. Një ekip me traditë dhe shumë eksperiencë në këtë kompeticion, sepse dinamovitët kanë fituar 13 trofe të Kupës së Shqipërisë. Objektivi i Dinamo City-t është ta rikthejë Kupën në shtëpi, ndërsa i Egnatias, të vazhdojë ta mbrojë "kurorën" dhe të qëndrojë kampione në fuqi.