Tiranë, 1 Maj 2025 – Një sasi e vogël lënde plasëse është vendosur në gomën e përparme të një automjeti të parkuar në afërsi të një spitali në rrugën “Pjetër Budi”. Ngjarja ka ndodhur rreth orës 03:55 të mëngjesit.

Fatmirësisht, si pasojë e shpërthimit janë shkaktuar vetëm dëme materiale dhe nuk raportohet për persona të lënduar.

Sipas informacioneve paraprake nga Policia e Shtetit, automjeti është në pronësi të shtetases M. K. Grupi hetimor ndodhet në vendngjarje dhe po punon për identifikimin dhe kapjen e autorit ose autorëve të dyshuar, si dhe për zbardhjen e plotë të rrethanave të rastit.