Prishtinë – Edhe pse çmimi i energjisë elektrike pritet të rritet nga data 1 maj, disa biznese tashmë kanë ngritur çmimet e produkteve, ndërsa të tjera kanë paralajmëruar shtrenjtim që nga 1 maji.

Një bukë shitet 80 cent ose 76 lekë, gjithsesi më lirë se në Shqipëri. Ky çmim i ri po aplikohet tek tuk në furrat e Prishtinës.

Deri para dida ditësh, buka gjithandej kushtonte 0.6 euro, kurse tani, disa e kanç bërë 0.8 euro.

Sakaq, një lokal në kryeqytet bën të ditur se nga fillimi i muajit maj, një kafe do të kushtojë 50 cent (0.5 euro) më shtrenjtë.

Përditësimi i çmimeve nga bizneset po bën që qytetarët të ankohen. Ata thonë se krahasuar me të ardhurat e tyre, çmimet po bëhen të papërballueshme.

Në anën tjetër, shoqata e bizneseve thotë se kjo qasje rrjedh nga pasojat e shtrenjtimit të energjisë elektrike, që i detyron ato të rrisin çmimet.

Përveçse në furra dhe lokale, qytetarët thonë se ngritje të çmimeve kanë vërejtur edhe nëpër markete.