Christian Pulisic, “Man of The Match” i ndeshjes Venezia-Milan, foli për mikrofonat e DAZN, pas fitores së kuqezinjve në stadiumin “Pier Luigi Penzo”: "Jam thirrur për të qenë vendimtar, thjesht kjo është puna jonë.

Kupa e Italisë është e rëndësishme, por edhe këto ndeshje të fundit të kampionatit, gjithashtu. Busio? Është një mik i madh, ndoshta jo kur jemi në fushë, por gjithmonë është bukur të luaj kundër tij".

Edhe Youssouf Fofana, mesfushor i Milanit, u intervistua nga DAZN pas ndeshjes ndaj Venezia: "Duhet të kemi vazhdimësi, synojmë ta mbyllim sezonin mirë për tifozët tanë. Duam të fitojmë çdo ndeshje të mbetur, edhe finalen e Kupës së Italisë.

Askush tjetër në Itali nuk mund ta mbyllë sezonin me dy trofe kombëtarë, përveç nesh. Pra, duam ta mbyllim sa më mirë për tifozët tanë, për këtë fanellë".