Pau Cubarsì, mbrojtës i Barcelonës, foli për “TV3”, ku analizoi finalen e fituar të Kupës së Mbretit kundër Real Madridit: "Është diçka që nuk mund ta shpjegoj. Është impresionuese ajo që bëmë.

Jemi një grup i ri, dhamë gjithçka deri në fund. Gjërat u bënë të vështira, por e kaluam me sukses këtë finale. Luajtëm një ndeshje të shkëlqyer dhe fituam atë që donim. Çdo futbollist ëndërron t’i luajë këto ndeshje.

Nëse triumfon kundër Real Madridit, adrenalina e festës bëhet dyfish. E dinim që do të ishte e komplikuar deri në momentin e fundit, dhamë gjithçka. Dua t’i falënderoj të gjithë lojtarët, stafin dhe klubin. Po ashtu familjen dhe miqtë e mi, që ishin këtu. E gjitha kjo është falë tyre, është impresionuese".