Kamerat e “Movistar+” kapën zemërimin e jashtëzakonshëm të Dani Carvajal, i cili ishte ulur pas stolit të Real Madridit me lojtarët e tjerë, që nuk ishin të grumbulluar, përballë vendimeve të De Burgos Bengoetxea.

Sipas asaj që kapën kamerat e “Movistar”, lojtari që nuk mund të luajë për shkak të një dëmtimi, i drejtohej kështu arbitrit, teksa po hynte në tunelin e dhomave të zhveshjes: "Bir kurve! Dreq! Ti je i pacipë!”

Sipas mediave spanjolle, relacioni i arbitrit nuk përmend asgjë, nuk duket se ka ndonjë ankesë ose hetim ndaj mbrojtësit të Real madridit. Po të ishte regjistruar hetim, Carvajal mund të përballej me 4 ndeshje pezullim, por nuk do t’i shlyente dot, pasi është i dëmtuar dhe nuk mund të luajë për këtë sezon.

Neni përkatës i rregullores thotë: "Ofendimi, fyerja ose qëndrimet fyese për arbitrin kryesor, asistentët, arbitrin e katërt, drejtuesit ose autoritetet sportive, ndëshkohen me pezullim prej 4 deri në 12 ndeshje".