"Conceição? Jemi shumë të kënaqur. Trajneri ka punuar shumë në 3 muajt e fundit, ka sjellë një metodologji dhe intensitet të rëndësishëm në Milanello. Po punojmë mirë së bashku". Kështu u shpreh Geoffrey Moncada, drejtori teknik i Milanit, në mikrofonat e “DAZN” para ndeshjes kundër Venezias, e fituar 2-0.

"Natyrisht, nuk jemi të kënaqur me renditjen në Serie A. Të fitojmë trofe është e rëndësishme për ne, për një klub si Milani. Duam të fitojmë Kupën e Italisë, është mundësia e vetme për të shkuar në Europë", – shtoi Moncada.

Më pas, ai foli për projektin teknik dhe zgjedhjen e drejtorit të ri sportiv: "Ne flasim gjithmonë për ndeshjet e humbura, për golat, por ka edhe paraqitje që janë interesante. Kemi humbur shumë ndeshje dhe mund të kishim bërë më mirë.

Kemi një strukturë drejtuese, ne jemi Milani. Ka shumë njerëz që punojnë. Po mendojmë për një drejtor sportiv, si pjesë e zhvillimit të klubit. Me të duam të bëjmë një hap tjetër përpara. Sidoqoftë, kemi një strukturë drejtuese që është tashmë e rëndësishme".

Përfundimisht, ai foli edhe për situatën kontraktuale të Luka Jovic: "Jam i lumtur për të dhe për trajnerin, ata kanë punuar për të arritur në këtë nivel. Sa i përket kontratës, kemi gjithçka nën kontroll, nuk është rinovim, por një mundësi. Jemi të kënaqur me të, ka bërë mirë dhe shpresoj që të bëjë mirë edhe në këto ndeshje të fundit".