Për Barcelonën u deshën 120 minuta lojë, plot tension dhe adrenalinë, për ta mundur Real Madridin në finalen e “Copa del Rey”. Përpjekje fizike dhe mendore, të mos harrojmë polemikat e “Los Blancos” ndaj gjyqtarit De Burgos, të cilat nuk e shqetësojnë Hansi Flick për ndeshjen ndaj Interit në Ligën e Kampionëve, të mërkurën në mbrëmje: "Ajo që bëmë sonte ishte e mirë, do të kemi kohë të mendojmë për Interin".

Sigurisht, trajneri gjerman u pyet për gjendjen fizike të skuadrës së tij pas një nate të tillë të ngarkuar në të gjitha drejtimet: "Do të duhet të rikuperojmë shpejt për të qenë në formë të mirë për Ligën e Kampionëve. A do t’i lë djemtë ta festojnë këtë triumf? Sigurisht, por vetëm sonte".

Më pas, trajneri i Barcelonës paralajmëroi Simone Inzaghin: "Fitorja në këtë finale na jep besim për ndeshjet e ardhshme, tripleta është ende objektiv i mundshëm. Kur vjen te Barcelona duhet t’i shfrytëzosh në maksimum mundësi si kjo".

Një mesazh i qartë për Interin, ashtu siç kishte dërguar dhe presidenti i Barcelonës, Joan Laporta, pas fitores ndaj Real Madridit: "Interi është një skuadër e madhe, por ne jemi më të mirë".