Duke nisur nga data 1 maj 2025 nuk do të ketë kontrolle kufitare për automjetet dhe pasagjerët e Republikës së Kosovës dhe Shqipërisë.

Ky vendim është i vlefshëm për automjetet me targa të Kosovës dhe të Shqipërisë, raporton noa.al.

Vendimi vjen në kuadrin e marrëveshjes mes Qeverisë së Kosovës dhe asaj të Shqipërisë, për veturat me targa të dy shteteve pa kontrolle në kufi.

Vendkalimi kufitar i Morinës pritet të zbatojë këtë marrëveshje nga orët e para të datës 1 maj.

Vendimi do të jetë në fuqi të paktën deri në muajin shtator të këtij viti.

Ky hap konsiderohet i rëndësishëm për lëvizjen e lirë mes dy vendeve, nxitur dhe nga sezoni turistik veror.

Edhe aktualisht lëvizja mes dy vendeve është e dendur. Këtë fundjavë, të paktën 4 mijë automjete hynë në territorin e Shqipërisë. /noa.al