Festivali kthehet në tragjedi në Vancouver, 9 persona humbin jetën

Nëntë persona janë konfirmuar të vdekur dhe disa të tjerë janë plagosur pasi një burrë përplasi një SUV në një turmë gjatë një festivali, njofton policia e Vancouverit.

"Ishte thjesht e tmerrshme," tha për BBC një pronar karroce ushqimore që ndodhej në vendngjarje – makina "kaloi drejt e drejt, përmes turmës".

Policia thotë se një 30-vjeçar, banor i qytetit, është vënë në pranga dhe shton se janë të bindur që nuk bëhet fjalë për një akt terrorizmi.

Ai njihej nga policia "në disa rrethana", por shefi i policisë së Vancouverit tha se nuk mund të komentonte nëse i dyshuari kishte të kaluar kriminale.

Ngjarja ndodhi gjatë festivalit të komunitetit filipinas "Dita e Lapu Lapu-t" në mbrëmje me orën lokale. /noa.al