Rreth orës 13:15, në aksin rrugor "Gjirokastër-Tepelenë", në vendin e quajtur "Plepat e Kardhiqit", është regjistruar një aksident trafiku. Shtetasi M. W., 56 vjeç, shtetas gjerman, duke drejtuar automjetin tip "BMW", ka aksidentuar shtetasen Z. I., 38 vjeçe, banuese në fshatin Humelicë, e cila po kalonte si këmbësore.

Si pasojë e aksidentit, këmbësorja është dërguar në Spitalin Rajonal Gjirokastër, ku ndodhet nën kujdesin e mjekëve.

Drejtuesi i automjetit është shoqëruar në komisariat për veprime të mëtejshme. Grupi hetimor është në vendngjarje dhe po kryen hetimet për zbardhjen e plotë të rrethanave të aksidentit.