Tiranë-25.4.2025- Kandidati i opozitës ka bërë një deklaratë duke akuzuar strukturat e Partisë Socialiste dhe policinë për intimidim dhe shantazh ndaj qytetarëve në Dibrë. Ai tregon se gjatë takimeve të opozitës, përfaqësues të PS dhe punonjës të bashkisë kanë kërcënuar qytetarët për t’u larguar nga takimet dhe për t’u frikësuar nga heqja e ndihmës ekonomike nëse mbështesin Partinë Demokratike. Në takimin në Ostren, një punonjës i ndihmës ekonomike u përpoq të intimidonte qytetarët, ndërsa pas reagimit të kandidatit, ky person u komunikua me përfaqësues të PS, duke konfirmuar se gjithçka ishte e inskenuar.

Për më tepër, kandidati akuzon babain e kandidatit të PS dhe mbështetës të tij, Jeton Dani, për ushtrim dhune ndaj kryetarit të Forumit të PD-së në Bulqizë. Policia, sipas tij, ka manipuluar ngjarjen dhe ka refuzuar të marrë denoncimin e PD-së. Kandidati i opozitës i bën thirrje SPAK-ut të hetojë ngjarjen dhe të sekuestrojë pamjet e kamerave në zonë, duke dyshuar se Policia mund të ketë qenë e përfshirë ose e informuar për këtë veprim të dhunshëm. Ai përfundon duke theksuar se këto manipulime nuk do ta trembin opozitën.