Gjirokastër, 21 prill 2025 – Një aksident rrugor është shënuar rreth orës 13:00 në aksin Gjirokastër–Tepelenë, pranë zonës së njohur si “Ura e Kardhiqit”. Në përplasje janë përfshirë dy automjete: njëra e drejtuar nga një shtetase angleze, K. M., 40 vjeçe, dhe tjetra nga shtetasi shqiptar R. M., 63 vjeç, banues në Vlorë.

Si pasojë e përplasjes, janë dëmtuar lehtë drejtuesi i mjetit R. M. dhe tre pasagjerë që udhëtonin me të. Të dëmtuarit janë dërguar menjëherë në spital, ku ndodhen jashtë rrezikut për jetën dhe po marrin ndihmën e nevojshme mjekësore.

Në vendngjarje ndodhet grupi hetimor, i cili po punon për të sqaruar shkaqet dhe rrethanat e aksidentit.