Kërcënim në sallën e gjyqit – Dumani i drejtohet avokatit: “Je në ofertë". Seanca e “Plumbit të Artë” ndërpritet pas kërcënimit të Dumanit ndaj avokatit. 

Tension në GJKKO – Dumani përplaset me avokatin: “Të fus në listë”. Avokati braktis seancën pas kërcënimit nga Dumani: “Nuk toleroj presion”

Tiranë – Një incident u regjistrua në seancën gjyqësore për dosjen e bujshme “Plumbi i Artë”, ku avokati Ilirian Dyzeni, përfaqësues i Besian Xhixhës, deklaroi se u kërcënua nga i penduari i drejtësisë, Nuredin Dumani.

Sipas avokatit, Dumani i ka thënë në sallë: “Të fus në listë, je në ofertë”, deklaratë që u interpretua si presion i drejtpërdrejtë. Në reagim të menjëhershëm, Dyzeni braktisi seancën, duke kërkuar ndërhyrjen e prokurorit dhe marrjen e masave për mbrojtjen e integritetit të tij.

Pas këtij momenti, gjykata urdhëroi largimin e Dumanit nga salla dhe ndërpreu seancën për disa minuta. Dumani është një nga dëshmitarët kyç të këtij procesi dhe ka dhënë rrëfime për disa grupe kriminale me ndikim në vend.