Tre shokë, djem të mitur procedohen për ngacmim seksual ndaj bashkëmoshatares

Tiranë – Tre të mitur 15-vjeçarë janë vënë nën hetim në Tiranë, pas dyshimeve për ngacmim seksual ndaj një bashkëmoshatareje.

Ngjarja është referuar nga Komisariati i Policisë Nr. 3 dhe materialet janë dërguar në Prokurorinë e Tiranës, e cila ka nisur procedimin penal në gjendje të lirë ndaj të miturve.

Noa.al mëson se tre nxënësit e shkollës nëntëvjeçare në Tiranë kanë ngac.uar shoqen e tyre të shkollës duke e prekur atë në pjesë të ndryshme të trupit, pa arritur të kryejnë akt intim me të.

Kur vajza u përball me skenën e dhunshme të tre adoleshentëve, arriti të dalë "pa lagur" dhe rendi të denoncojë te familjarët e më tej në polici.

Hetimet po vijojnë për të sqaruar plotësisht rrethanat e rastit. /noa.al