Një aksident rrugor i ndodhur pasditen e djeshme në aksin “Kukës–Krumë”, në vendin e quajtur “Sefoll”, përfundoi me tre persona të plagosur dhe arrestimin e një drejtuesi mjeti.

Sipas të dhënave zyrtare, rreth orës 18:20, automjeti i drejtuar nga M. H., 27 vjeç, banues në fshatin Vranisht, humbi kontrollin dhe u përplas me një tjetër automjet, me drejtues shtetasin V. T.

Si pasojë e përplasjes që shikoni në foto, u plagosën të dy drejtuesit dhe një pasagjere, shtetasja A. A. Të tre ndodhen në spital, jashtë rrezikut për jetën.

Policia ka arrestuar në flagrancë M. H., i cili akuzohet për “Shkelje të rregullave të qarkullimit rrugor”.

Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme. /noa.al