Aksident në aksin Kukës–Krumë, plagosen dy drejtues automjetesh dhe një pasagjere

Kukës – Një aksident rrugor është regjistruar paraditen e sotme në aksin "Kukës–Krumë", ku janë përplasur dy automjete, duke shkaktuar plagosjen e tre personave.

Sipas informacioneve paraprake, në aksident janë përfshirë automjeti me drejtues shtetasin M.H dhe një tjetër mjet i drejtuar nga shtetasi V.T.

Si pasojë e përplasjes janë dëmtuar të dy drejtuesit e automjeteve si dhe pasagjerja A.A, raporton noa.al.

Të plagosurit janë dërguar në spital, ku ndodhen nën kujdesin e mjekëve dhe janë jashtë rrezikut për jetën.

Grupi hetimor ka nisur punën për të zbardhur rrethanat dhe shkaqet e aksidentit. /noa.al