Pas humbjes 3-1 ndaj Borussia Dortmundit në ndeshjen e kthimit çerekfinale të Ligës së Kampionëve, trajneri i Barcelonës, Hansi Flick, komentoi paraqitjen e skuadrës së tij: "Nuk kemi luajtur në nivelin tonë më të mirë sot, por kjo është gjithashtu meritë e Dortmundit, që bëri një paraqitje shumë të mirë. Ata kanë një skuadër fantastike dhe na e bënë jetën shumë të vështirë, por jemi kualifikuar. Kjo ka rëndësi”.

Flick theksoi se, pavarësisht humbjes, skuadra e tij arriti objektivin e kualifikimit në gjysmëfinale: "Jemi në gjysmëfinale. Dy ndeshjet u vlerësuan në bazë të këtij qëllimi dhe e meritojmë kalimin e turit".

Trajneri gjerman vuri në dukje se skuadra e tij ka bërë përparime të mëdha në javët e fundit: "Ajo që Barcelona ka realizuar në javët e fundit është fenomenale. Tani jemi një hap përpara, por ende larg finishit të sezonit".

Këto deklarata u bënë pas ndeshjes ku, pavarësisht humbjes 3-1 në Dortmund, Barcelona siguroi kualifikimin në gjysmëfinale të Ligës së Kampionëve me rezultatin e përgjithshëm 5-3, falë fitores 4-0 në ndeshjen e parë çerekfinale.