Shkodër, 14 Prill 2025 – Një ngjarje tragjike është regjistruar rreth orës 18:20 në zonën e quajtur "Stom Golem", ku një 16-vjeçar ka humbur jetën si pasojë e një aksidenti rrugor.

Sipas informacioneve paraprake, i mituri po drejtonte një motomjet kur dyshohet se ka humbur kontrollin, duke bërë që mjeti të dalë nga rruga. Për pasojë, 16-vjeçari ka ndërruar jetë në vendin e ngjarjes.

Në motomjet ndodhej edhe një tjetër i mitur, 14 vjeç, i cili është transportuar me urgjencë në spital në gjendje të rëndë shëndetësore.

Grupi hetimor, nën drejtimin e Prokurorisë, po vijon punën për zbardhjen e plotë të rrethanave dhe shkaqeve të aksidentit.

Njoftimi i policisë:

Rreth orës 18:20, në vendin e quajtur "Stom Golem", dyshohet se një i mitur 16-vjeçar, duke drejtuar një motomjet, ka humbur kontrollin mbi drejtimin e motomjetit dhe për pasojë motomjeti ka dalë nga rruga, ku 16 vjeçari ka humbur jetën në vendin e ngjarjes.

Në motomjet dyshohet se udhëtonte dhe një i mitur 14-vjeçar i cili u dërgua në spital në gjëndje të rëndë shëndetësore.

Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.