ROMË- Zëvëndësministrja e Ekonomisë, Kulturës dhe Inovacionit, Olta Manjani ditën e djeshme ka firmosur në Romë marrëveshjen administrative për zbatimin e marrëveshjes kuadër për pensionet me Italinë. Manjani u prit në një takim të posaçëm me ministren italiane të Punës dhe Politikave Sociale, Marina Calderone.

Në një postim në "Facebook" MEKI ka njoftuar lajmin e marrëveshjes. Më tej theksohet se firmosja e kësaj marrveshjeje i hap rrugë zbatimit të saj dhe përfitimeve konkrete për qytetarët shqiptarë duke filluar nga muaji qershor 2025.

Postimi i plotë:

Firmosëm sot në Romë marrëveshjen administrative për zbatimin e marrëveshjes kuadër për pensionet me Italinë. Marrëveshja u nënshkrua nga zëvendësministrja e MEKI, znj. Olta Manjani në një takim të posaçëm me Ministren e Punës dhe Politikave Sociale, znj. Marina Calderone. Firmosja e kësaj marrveshjeje i hap rrugë zbatimit të saj dhe përfitimeve konkrete për qytetarët shqiptarë duke filluar nga muaji qershor 2025.