Sipas Cadena SER , sulmuesi brazilian i Real Madridit, Vinicius Junior , ka refuzuar një ofertë financiare shumë të lartë nga Arabia Saudite. Klubet saudite thuhet se kanë ofruar një kontratë pesëvjeçare me një vlerë totale prej një miliard eurosh për të bindur lojtarin.

Në fakt, Vinicius nuk duket i interesuar për një marrëveshje kaq afatgjatë.

Negociatat mes Vinicius dhe Real Madrid për një rinovim të kontratës thuhet se janë në një fazë të avancuar, me një zgjatje të mundshme të marrëveshjes për dy ose tre vjet të tjera.

Vinicius Junior ka veshur fanellën e Los Blancos që nga viti 2018, duke u bërë shpejt një element thelbësor për skuadrën e drejtuar nga Carlo Ancelotti.