Tiranë – Avokati Saimir Visha evidentoi sot se në sistemet e paraburgimit dhe burgjeve janë identifikuar 3 raste me SIDA. I ftuar në “Çim Peka Live” ai tha se sistemi i burgjeve ka rënë edhe me rastet e fundit që është këmbana e alarmit të SIDA-ës.

Ai shtoi se kjo është situatë shumë e rëndë dhe se togat e shoqërimit dhe familjarët e të burgosurve dhe të paraburgosurve duhet të bëjnë kujdes.

“Sistemi i burgjeve ka rënë edhe me rastet e fundit që është këmbana e alarmit të SIDA-ës. Janë identifikuar nga sistemi shëndetësor në paraburgim dhe në burgje 3 raste me SIDA të vërtetuara. Imagjino rezzikun te toga e shoqërimit, familjarët.

Të identifikuarit janë meshkuj. Situata është e rëndë. I bëj thirrje dhe familjarëve të bëjnë kujdes. Nuk është më sëmudja e shekullit, por është e transmetueshme. Ne kemi hallin e sistemit të paraburgimit”, tha avokati Saimir Visha.