Jo një, por dy “mjellma të zeza”, metaforë e dyfishtë që tregon një ngjarje të rrallë, të paparashikueshme dhe me pasoja të mëdha. Kështu, “The Guardian” lavdëroi paraqitjen e jashtëzakonshme të Declan Rice në çerekfinalen e Champions League ndaj Real Madridit, i mposhtur nga dy goditje dënimi spektakolare të mesfushorit të Arsenalit brenda pak më shumë se 10 minutash.

Ironia? Rice nuk kishte shënuar kurrë më parë asnjë gol nga goditja e dënimit në të gjithë karrierën e tij. Dhe tani është lojtari i parë në histori që realizon dy gola nga goditje dënimi në një ndeshje të fazës me eliminim direkt të Ligës së Kampionëve.

“Nuk ishte thjesht një rast i rrallë, ishin dy ‘mjellma të zeza’, që ndëshkuan Real Madridin, – shkruan “The Guardian”. – Brenda një kapsule marsiane, e shkruar nga majmunë daktilografë”.

Një natë që, sipas gazetës britanike, do ta ndryshojë rrjedhën e karrierës një lojtari që “papritur po luan me një dritë rreth vetes”.

Sipas BBC, vetëm tre lojtarë të tjerë kishin realizuar më parë dy gola nga goditjet e dënimit në një ndeshje të Champions League, por të gjithë në fazën e grupeve: Neymar, Cristiano Ronaldo dhe Rivaldo. Askush, përveç Declan Rice, nuk e kishte arritur këtë në një ndeshje me eliminim direkt.

Një mbrëmje historike për lojtarin që po bëhet gjithnjë e më shumë simboli i një Arsenali që nuk ka më frikë nga askush.