Policia e Vlorës ka finalizuar operacionin e koduar "Nightfall 2", duke goditur një rast të armëmbajtjes pa leje. Gjatë kontrollit të banesës së 34-vjeçarit Brikel Alikaj, u sekuestrua një armë zjarri pistoletë, e cila kishte një krehër me fishekë, si dhe fishekë për armë zjarri kallashnikov.

Brikel Alikaj u arrestua dhe do të merret në pyetje për të sqaruar përdorimin e armëve. Arma e sekuestruar do të dërgohet në Institutin e Policisë Shkencore për ekspertizë, për të zbardhur nëse ka qenë e përdorur në ngjarje kriminale të ndodhura më parë.

Policia po vijon hetimet për të zbuluar detaje të tjera lidhur me aktivitetet kriminale të mundshme të autorit.