Mat, 8 prill 2025 – Një kandidat për deputet ka depozituar kallëzim në Policinë e Matit, duke pretenduar se në fshatin Bushkash po shpërndaheshin produkte me qëllim ndikimin e votuesve.

Shtetasi B.Ç., 56 vjeç, banues në Tiranë dhe kandidat për Kuvendin e Shqipërisë, raportoi se persona të panjohur po shpërndanin produkte me një furgon, për të favorizuar subjekte politike të caktuara.

Menjëherë pas kallëzimit, Policia e Matit shoqëroi drejtuesin e automjetit, shtetasin F.L., së bashku me furgonin. Pas kontrollit dhe veprimeve hetimore, nuk u konstatuan sende apo veprime të kundërligjshme.

Ngjarja po trajtohet nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Dibër.