Tepelenë: Automjeti del nga rruga në fshatin Luzat, dy të lënduar

Një aksident rrugor është regjistruar mbrëmjen e së shtunës, rreth orës 19:50, në rrugën e fshatit Luzat, Tepelenë.

Sipas informacioneve paraprake, drejtuesi i automjetit, shtetasi Z. Ç., 65 vjeç, ka humbur kontrollin mbi mjetin dhe për pasojë automjeti ka dalë nga rruga.

Si pasojë janë lënduar vetë drejtuesi dhe pasagjeri në mjet, shtetasi S. K.

Të dy po marrin ndihmë mjekësore në Spitalin Rajonal të Gjirokastrës.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.