ITALI- Një tragjedi familjare ka ndodhur mbrëmjen e së enjtes në qytetin e Trentos, në verilindje të Italisë. 19-vjeçari, Bojan Panic ka goditur për vdekje babanë e tij 46-vjeçar.

Sipas mediave të huaja, i riu dyshohet se ka vrarë të atin për të mbrojtur nënën e tij, e cila prej kohësh ishte viktimë e abuzimit nga bashkëshorti i saj.

"Nuk kisha alternativë tjetër, e vrava me thikë sepse vazhdoi të abuzonte me nënën time. Menjëherë pas kësaj bëra gjithçka që munda për ta mbajtur në jetë por nuk ia dola dhe thirra karabinierët", tha i riu para prokurorëve.

19-vjeçari ka pritur karabinierët dhe policinë pranë trupit të të atit dhe është dërguar në burg. Kjo është një familje me origjinë boshnjake, e integruar plotësisht në realitetin social të rajonit. Siç thanë shumë nga fqinjët, deri më tani nuk ka pasur tensione të dukshme mes tyre.