Publikohet Lista Përfundimtare e Zgjedhësve për Zgjedhjet Parlamentare të 11 Majit 2025

Ministria e Brendshme ka shpallur zyrtarisht listën përfundimtare të zgjedhësve për zgjedhjet për Kuvendin e Shqipërisë, që do të mbahen më 11 maj 2025, për votuesit brenda vendit.

Sipas të dhënave të siguruara nga Drejtoria e Përgjithshme e Gjendjes Civile, të drejtën e votës e gëzojnë 3,713,761 shtetas shqiptarë, brenda dhe jashtë vendit.

Nga këta:

114,642 qytetarë do të votojnë për herë të parë;

1,081 shtetas nuk janë përfshirë në listë, për shkak të ligjit të dekriminalizimit;

5,225 është numri i qendrave të votimit të parashikuara në të gjithë vendin.

Për herë të parë në historinë e zgjedhjeve parlamentare në Shqipëri, lista përfundimtare përfshin dy kategori votuesish:

Zgjedhësit që jetojnë brenda vendit;

Zgjedhësit që jetojnë jashtë vendit.

Kjo listë shënon përmbylljen zyrtare të procesit të hartimit të Listës së Zgjedhësve. Drejtoria e Përgjithshme e Gjendjes Civile në çdo bashki të vendit vijon përgatitjet për infrastrukturën zgjedhore. /noa.al