Disa ditë pas fitores së Francës ndaj Kroacisë, e cila iu garantoi “gjelave” vendin në gjysmëfinalet e Ligës së Kombeve, u transmetua një reportazh nga “Téléfoot”. Në të shfaqej fjalimi i Kylian Mbappé para ndeshjes. Kjo video e tërboi ish-lojtarin ndërkombëtar francez, Jérôme Rothen, i cili nuk është aspak i panjohur për deklaratat e forta publike.

Kështu ndodhi edhe ndaj Mbappé, sulmuesin francez të Real Madrid dhe ish-lojtarin e PSG, i cili përfundoi në shënjestër të deklartave të tij të forta.

"Diçka për Kylian e kam thënë gjithmonë, e kritikoj sepse i mungon sinqeriteti, – tha fillimisht ish-mesfushori i PSG. – Gjithçka që thotë është gënjeshtër, ashtu si edhe ato që bën. Te Franca po përpiqet të krijojë një imazh të ri, dhe po e bën këtë duke e shtyrë përtej mundësive. Unë nuk i duroj dot këto dokumentarë që dalin, që prezantohen si ‘prapaskena’, por në të vërtetë tregojnë gjëra të parapregatitura".

Nag mikrofonët e “RMC Sport”, më tej bëri një sqarim: "Në rolin e tij si lider, për të motivuar tifozët dhe shokët e skuadrës, ka qenë i përsosur. Prova është se Franca bëri një ndeshje të mirë dhe u kualifikua në gjysmëfinale të Ligës së Kombeve. Sidoqoftë, kur ke një personalitet si Kylian, të cilit i mungon sinqeriteti në veprimet e tij, siç ndodhi me fundin e karrierës së tij te PSG…, unë jam skeptik".