Seregno, 31 mars 2025 – Policia italiane ka arrestuar një 38-vjeçar shqiptar në Seregno, pasi ai u kap me 3 kilogramë drogë të fshehura në një kuti brenda garazhit të shtëpisë së tij. Arrestimi u bë për posedim të paligjshëm të lëndëve narkotike me qëllim tregtimin.

Sipas mediave italiane, gjatë bastisjes në garazhin e tij, karabinierët gjetën 2.2 kilogramë kokainë dhe mbi 750 gramë marijuanë, të ndara në disa pako dhe me materialin e nevojshëm për paketimin e dozave të drogës. Policia ka dokumentuar prova dhe po vazhdon hetimet për zbardhjen e të gjithë veprimtarisë kriminale të personit të arrestuar.