Magazinë
Transmetuar më 30-03-2025, 08:40

Real Madridi vuan, por fiton. "Los Blancos" kanë tri ndeshje radhazi që kapen pas La Liga-s me “thonj e dhëmbë”, duke marrë tri fitore minimale ndaj Rayo Vallecano-s, Villarreal-it dhe Leganés-it. 9 pikë të vuajtura, por që Ancelotti i vlerëson në kontekstin e një kalendari të mbushur me pengesa dhe sfida në të gjitha garat.

Trajneri nuk e përjashton Atletico Madridin nga gara për titull, beson se edhe Real Madridi ka arsye për t’u ankuar për arbitrimin, ashtu si Leganés, dhe sheh Mbappé në një formë të shkëlqyer.

Vlerësimi i ndeshjes – "Nuk bëmë një ndeshje të keqe. Na mungoi ekuilibri, por e kishim nën kontroll lojën. Mungesa e ekuilibrit solli disa kundërsulme të rrezikshme të kundrshtarit. A vuajtëm? Nuk më kujtohet një ndeshje ku nuk kemi vuajtur. Mendoj se duhej ta menaxhonim më mirë avantazhin dhe në 3-2 nuk duhej të kishim vuajtur kaq shumë".

Ankesat për arbitrimin nga Leganés – "Nëse ankohen ata, mund të ankohemi edhe ne".

Mbappé në formën më të mirë – "Është shumë mirë, shumë aktiv dhe shumë më i përshtatur me lojën e ekipit. Po bën diferencën, sonte fituam prej dopietës së tij".

Lufta Barça-Real Madrid për La Liga-n – "Atletico do të luftojë deri në fund, sepse kjo është ajo që bën një ekip profesionist. Ato janë një ekip shumë serioz, ndaj do të luftojnë njësoj si ne dhe Barcelona".

Mungesa e intensitetit – "Jo, e kam thënë më parë. Ajo që na mungoi ishte ekuilibri. Ekipi nuk ishte i pozicionuar mirë, por intensiteti ishte aty. Në pjesën e dytë bëmë mirë, përmbysëm rezultatin dhe fituam".

Goli nga goditja e dënimit i Mbappé – "Dje e ekzekutoi shumë mirë në stërvitje dhe tregoi shumë efektivitet. Sot i dhamë besimin dhe e shfrytëzoi".

Paraqitja e Güler – "Luajti mirë, tregoi cilësinë e tij, sepse e lexon shumë mirë lojën. Nuk është një lojtar i llojit të sulmuesve tanë të tjerë, por ka vizion të shkëlqyer të lojës dhe shumë cilësi".

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit