Një kthim në Premier League, çka do të ishte veprim spektakolar. Kjo është mundësia që mund të ndodhë me Harry Kane verën e ardhshme. Sulmuesi anglez u transferua te Bayern Munich për shumën e madhe prej 120 milionë eurosh, të ndara në një pjesë fikse (100 milionë) dhe bonuse (20 milionë), por pas dy vitesh mund të kthehet në atdhe.

Për momentin është vetëm një hipotezë, pasi merkatoja është ende larg dhe bavarezët të angazhuar në shumë fronte. Bayerni, që është lider në Bundesliga, do të jetë edhe rivali i ardhshëm i Interit në çerekfinalet e Ligës së Kampionëve.

Megjithatë, lajmi i mundshëm i largimit të Kane nga gjigantët bavarezë ka filluar të qarkullojë në botën e merkatos. Sipas asaj që raporton “Fichajes”, sulmuesi 31-vjeçar anglez është duke shqyrtuar mundësinë për një kthim në Premier League, me Liverpool-in që është shumë i interesuar.

Lojtari gjithashtu e pëlqen destinacionin, me “Reds” që janë të parët në klasifikimin aktual, me 12 pikë më shumë se Arsenali, që është i dyti. Në Gjermani, rendimenti i sulmuesit ka qenë gjithmonë i lartë.

Këtë sezon, për shembull, ai ka realizuar 32 gola dhe ka dhënë 11 asiste në 37 ndeshje, mes kompeticionesh të ndryshme, ndërsa në sezonin e kaluar, kur titulli i kampionit të Gjermanisë shkoi te Bayer Leverkusen i Xabi Alonso, ai shënoi 44 gola dhe dha 12 asiste në 45 ndeshje.