Ministri i Punëve të Jashtme të Kinës, Wang Yi, tha të mërkurën se Kina është e gatshme të zhvillojë dialog dhe konsultim me palën amerikane, në frymën e barazisë dhe respektit të ndërsjellë për të zgjidhur shqetësimet e tyre përkatëse të arsyeshme.

Wang i bëri këto komente gjatë takimit në Pekin me Evan Greenberg, nënkryetar ekzekutiv i bordit drejtues të Komitetit Kombëtar për Marrëdhëniet ShBA-Kinë (NCUSCR).

Duke vënë në dukje se Kina dhe ShBA-ja kanë interesa të gjera dhe hapësirë ​​të madhe për bashkëpunim, Wang shprehu besimin se bota do të ishte më e mirë nëse të dy vendet mund të ndihmonin njëri-tjetrin për të patur sukses.

Ai theksoi se marrëdhëniet Kinë-ShBA janë në një pikë kyçe, duke u bërë thirrje të dy palëve që të udhëhiqen nga konsensusi dhe vizioni i rëndësishëm i dy krerëve të shteteve, të forcojnë shkëmbimet, të përmirësojnë mirëkuptimin, të shmangin gjykimet e gabuara dhe të menaxhojnë si duhet mosmarrëveshjet.

Wang vlerësoi angazhimin afatgjatë të Greenbergut për të promovuar shkëmbimet dhe bashkëpunimin Kinë-ShBA. Gjithashtu shprehu shpresën që NCUSCR dhe njerëzit nga të gjitha sferat e jetës në ShBA, do të japin kontribute të reja për zhvillimin e qëndrueshëm, të shëndetshëm dhe të vazhdueshëm të marrëdhënieve kino-amerikane.

Greenberg, nga ana e tij, theksoi se marrëdhëniet ShBA-Kinë janë marrëdhëniet dypalëshe më të rëndësishme në botë.

Të dyja palët duhet të përdorin përvojën dhe mençurinë e tyre për të rritur mirëkuptimin, për të zgjeruar bashkëpunimin dhe për të jetuar në harmoni- tha ai.