Lezhë, 2025 – Senatori italian dhe ish-kryeministri Matteo Renzi po zhvillon një vizitë në kampin e Gjadrit, pas vendimit të gjykatës italiane që i dha të drejtë qeverisë italiane për marrëveshjen me Shqipërinë mbi menaxhimin e emigrantëve.

Për zbatimin e kësaj marrëveshjeje është angazhuar personalisht kryeministrja italiane Giorgia Meloni, e cila ka theksuar se ky projekt është mbështetur nga vendet e Bashkimit Evropian.

Sipas marrëveshjes mes dy qeverive, të nënshkruar më 6 nëntor 2023, porti i zbarkimit të refugjatëve do të jetë Shëngjini, ku tashmë është ngritur qendra pritëse. Ndërkohë, kampi i Gjadrit do të shërbejë si vendqëndrim për emigrantët deri në shqyrtimin e kërkesave të tyre për azil.