Tiranë – Një shpërthim ka ndodhur gjatë orëve të para të mëngjesit në rrugën “Ramazan Gaxherri” në Tiranë.

Rreth orës 01:15 është raportuar një plasje eksplozivi në ambientet e jashtme të një lokali të mbyllur në pronësi të shtetasit S. H., rreth 44 vjeç.

Sipas informacioneve paraprake, dyshohet se është përdorur një sasi e vogël lënde plasëse.

Fatmirësisht nuk ka persona të dëmtuar, por janë shkaktuar dëme materiale.

Në vendngjarje ndodhet grupi hetimor, i cili po punon për zbardhjen e plotë të rrethanave, si dhe për identifikimin dhe kapjen e autorit ose autorëve të mundshëm të ngjarjes.

Ende nuk dihen motivet apo nëse ngjarja ka lidhje me konflikte të mëparshme. /noa.al