Lamine Yamal iu përgjigj Rafael van der Vaart, ish-lojtarit të Real Madridit (2008-2010) dhe Real Betisit (2015-2016), pas fitores së Spanjës ndaj Holandës me penallti në çerekfinalet e “Nations League”.

Van der Vaart, duke analizuar paraqitjen e talentit spanjoll në televizionin “NOS”, tha: "Më duket sikur Yamal nuk u ndje mirë përballë Jorrel Hato. Ka disa gjëra që më ranë në sy dhe filluan të më shqetësojnë. Pantallonat e tij janë paksa të ulura, nuk duket sikur përpiqet mjaftueshëm, ka disa gjeste paksa sipërfaqësore…"

Ish-mesfushori i Ajax-it, Hamburgut, Tottenhamit, Midtjyllandit dhe Esbjergut shtoi: "Mendoj se kur je kaq i ri, duhet të jesh i lumtur për çdo minutë që luan me Spanjën. Nuk ka rëndësi sa i mirë je, në këtë moshë duhet ta tregosh atë në çdo minutë dhe në çdo ndeshje. Sidoqoftë, kjo nuk e ndryshon faktin që Hato e kishte nën kontroll gjatë gjithë kohës".

Kritikat e Van der Vaart mbërritën edhe tek Lamine Yamal, i cili nuk hezitoi t’i përgjigjej me një postim në Instagram, ku publikoi një foto të ish-lojtarit të Real Madridit dhe Betisit, së bashku me një mesazh thumbues: "Pantallonat e ulura, një gol, një penallti e humbur… dhe ne në gjysmëfinale!"

Postimi i tij përfundoi me një mesazh plot ironi: "Hehehehehe! Forca Spanja!", duke iu referuar golit të tij që i dha avantazhin e përkohshëm Spanjës në ndeshjen ndaj Holandës (3-2).