Tiranë, 21 mars 2025 – Policia e Tiranës ka arrestuar në flagrancë një shtetas turk, i cili ishte duke kontrabanduar flori dhe bizhuteri floriri për t’i shitur në Shqipëri.

Gjatë operacionit të koduar “Gold”, u sekuestruan rreth 455 gramë flori, si dhe 35,000 euro dhe 16,200 dollarë të përfituara nga shitja e sendeve të vlerës. 39-vjeçari turk, B. A., banues në Stamboll, u arrestua pas një kontrolli në automjetin e tij, ku u gjetën mallrat e kontrabanduara.

Po ashtu, u identifikua dhe u procedua penalisht shtetasi S. B., 58 vjeç, banues në Vlorë, i cili dyshohet se shiste sendet me vlerë për llogari të shtetasit turk.

Materialet procedurale iu referuan Prokurorisë së Tiranës për veprime të mëtejshme.