Lajme të këqija për Barcelonën dhe kombëtaren spanjolle. Dje, ekipi i Hansi Flick mposhti 4-2 Atletico Madridin falë golave të Lewandowski, Ferran Torres (dy gola për të) dhe Yamal, por festa e përmbysjes epike u prish nga lëndimi i Marc Casadò.

Mesfushori blaugrana u dëmtua në minutën e 22-të të pjesës së dytë për shkak të një problemi fizik që mund të jetë shumë i rëndë. Lojtari i lindur në vitin 2003 iu nënshtrua sot ekzaminimeve mjekësore dhe, sipas asaj që raporton “Marca”, duket se është një lëndim i rëndë.

Ka të ngjarë të jetë një shqyerje e ligamenteve të gjurit të djathtë, që mund të jetë edhe plotësisht këputje. Lojtari ishte ftuar edhe nga trajneri i kombëtares së Spanjës, De La Fuente, për ndeshjet e Ligës së Kombeve kundër Holandës, por natyrisht do të detyrohet të heqë dorë nga pjesëmarrja.