KOSOVË – Endrit Thaçi, dali i presidentit të Koosvës Hashim Thaçi, ka reaguar pas ndarjes nga jeta të gjyshit të tij Haxhi Thaçi.

Në një reagim në rrjete sociale, i riu shkruan se gjyshi i tij tashmë i ndjerë ka qënë një burim frymëzimi për të dhe familjen, ndërsa shton se vuajtjet dhe padrejtësia u bënë të pa përballueshme (referuar burgosjes së ish-presidentit Thaçi).

“Baci i mbylli sytë i qetë pas takimit me babin! Ka qenë gjithmonë frymëzim për mua dhe familjen. Vuajtjet nga padrejtësia u bënë të pa përballueshme. Prehu në paqe Bac!”, shkruan Endrit Thaçi në instagram.

Babai i ish-presidentit të Kosovës, Hashim Thaçi, Haxhi Thaçi, ndërroi jetë mbrëmjen e kaluar (16 Mars) në Qendrën Klinike Universitare të Kosovës në Prishtinë. Haxhi Thaçi ishte i shtruar në QKUK prej disa kohësh ku po merrte trajtim mjekësor për gjendjen e tij të rënduar shëndetësore.

Më 13 mars 2025, ish-presidenti Hashim Thaçi, i cili ndodhet në paraburgim në Hagë që nga nëntori i vitit 2020, kishte marrë leje për të vizituar babanë e tij në spital.

Vizita zgjati rreth tre orë dhe u zhvillua nën masa të rrepta sigurie, ndërsa më pas Hashim Thaçi u kthye në paraburgim në Hagë. Gjatë qëndrimit të tij në spital, qytetarë të shumtë ishin mbledhur për t’i dhënë mbështetje ish-presidentit dhe familjes së tij në këto momente të vështira.